Exhibition-ah Queen Elizabeth II thawmhnaw phochhuak dawn

London khawthlang lam, km 32-a hlaa Windsor Castle-ah vawiin aṭangin 'Fashioning a Reign: 90 Years of Style from The Queen's Wardrobe' exhibition' ṭan a ni dawn a, Queen Elizabeth II thawmhnaw chi hrang hrang phochhuah a ni ang.

Windsor Castle War≠drobe-a Queen thawmhnaw pholan te hi nakkum January 8 thleng en theih a ni dawn a ni.

Queen thawmhnaw pho chhuah tur zingah hian inneih kawr, hunpui pawimawha a hak chi thawmhnaw, sakawr chungchuannaa a hak ṭhin leh a naupan lai thawm≠hnawte a tel dawn a ni.

Exhibition buaipuitute chuan an thil buatsaih hi Queen Elizabeth-i chanchin tarlanna kawng khat a ni tih sawiin, a hun hman hrang hrangah a thawmhnaw hak ṭhin tarlan a ni dawn a ni, a ti. Heng zingah hian Queen hian a tleirawl lai, kum 1943-a Windsor Castle-a a lo hak tawh, Alladin costume pawh a tel ang.