Egypt Court-in NGO leh human rights worker-te hrek

Egypt Court chuan NGO pathum leh human right activst panga-te chu kum 2011 khan ram dang aṭanga sum dawngah puhin an thil neihte khawih chet theih lohin a hreksak.

Dan kalha ramdang aṭanga ṭanpuina sum dawnga puhte hi thiam loh chantir an nih chuan kum 25 thleng lung-in tantir theih an ni ang. An zinga hian human rights campaigner lar tak, Hossam Bahgat pawh a tel a ni.

UK-a hmunpui nei Amnesty International chuan Egypt court chu activist-te hrekbeh tuma ruahmanna tenawm tak hmangah a puh.

Human rights activist panga - Hossam Bahgat, Gamal Eid, Bahey el-Din Hassan, Mustafa el-Hassan leh Abdel-Hafiz Tayel-te chu dik lo taka foreign fund dawng leh, an sum dawnte pawh Turkey ram himna tiderthawng zawnga hmangah puh an ni. An zinga miten an enkawl mek, NGO pathum pawh an pawl thil neihte khawih chet theih lohin dahsak nghal an ni bawk.