Russia parliament in-thlanah ro-rel-lai chak

Pathianni-a Russia Parliament lower house inthlan neih takah rorellai, President Vladimir Putin-a party, United Russia an chak.

Seat 450 awmna, State Duma member thlannaa vote tla te hi chhiar zawh thawkhat a ni tawh a, United Russia hian vote tla aṭangin 54.3% an hmu phaka, parliament member 338 a nei pha dawn a ni. Inthlan hmasa khan membr 328 an nei a ni.

United Russia party hi Communists leh Liberal Democratic Party-te'n dawtin, vote 13.5% leh 13.3% an hmu a, A Just Russia chuan 6.2% chauh an hmu pha thung.

Inthlanah hian vote a tla ṭha lo hle a, voter zingah 47.8% chauhin vote an thlak a, a bikin Moscow leh Saint Peterburg-ah vote a tla chhe zual.