Missesota mall beituah IS inchhal

Islamic State (IS) firfiak pawl chuan kar kalta Inrinni-a Minnesota, US-a shopping mall beitu chu an mi leh sa a nih thu an sawi.

St Cloud-a Crossroads Center mall beitu hian private security uniform a ha a, chem kengin mall-a awmte hi a bei a ni. Kut a thlak hma hian Muslim an nih leh nih loh pawh a zawt niin police hotu William Blair Anderson chuan a sawi. Mi pakua a vit a, mahse mall-a police officer lo awm chuan a kaphlum a ni.

FBI special agent Richard Thornton chuan mall-a pawikhawihna thleng hi firfiakte thiltih ngei niin a lo sawi tawh a, pawikhawihna thlen dan hi chhui chian mek a ni, a ti.

Mall beihnaa hliam tuar mi pakua zinga pathum-te chu damdawi-inah enkawl zui an ni a, mahse an ngaihtuahawm lo nia sawi a ni.