NKorea-in rocket engine thar enchhin

North Korea chuan nimin khan high power rocket engine thar chu hlawhtling takin a enchhin leh nia sawi a ni.

Sohae satellite launching site-ah enchhinna an neihah NKorea ram hotu lu ber, Kim Jong-un chuan a enpui a, official, scientist leh tehnician-te chu a rang thei ang bera satellite kapchhuak thei tura inbuatsaih turin a hrilh nghal niin NKorea media chuan a tarlang.

October 10 hian rorellai, Workers Party of Korea din champha lawm a ni dawn a, a lawmna pakhat atan hian satellite kahchhuah an tum nia sawi a ni. NKorea hian kuminah ṭum eng emaw zat satellite a lo kapchhak tawh a ni.

North Korea state media, KNCA chuan nimina enchhin, rocket engine thar hmang chuan satellite chi hrang hrang kahchhuah theih a ni dawn tih a sawi. Korea Aerospace Research Institute-a rocket scientist Chae Yeon-Seok chuan khawl thar an neih nen hian NKorea chuan UN ram laili kap pha thei tur inter-continental ballistic missile (ICBM) an neih theihna tur a hnai sawt niin a sawi.