Congo Eptu pawl hqrs an hal

Democratic Republic of Congo-a eptu pawl pathum headquarters, an ram khawpui Kinshasa ami chu mi tu tih hriat loh ten an hal.

Thawhṭanni khan eptute chuan sorkar laka lung≠awi lohna kawngzawh an huaihawt a, Presidetn Kabila chu bang turin an phut. Nawrh huaihawtnaa buaina chhuak vang hian mi 50 chuang an thi a ni.

Building an halsak hi eptu pawl pathum, Union for Democracy and Social Progress (UDPS), Forces of Union and Solidarity (FONUS) leh Lumum≠bist Progressive Movement (MLP)-te headquarters a ni. UDPS office halah hian ruang pahnih hmuh an ni a, mi pakhatin hliam a tuar bawk.

President Kabila hi December 20 hian a term a tawp tawh dawn a, mahse May thla khan Constitutional Court chuan Kabila hian a term a tawp hnuah pawh an ramah inthlanpui buatsaih a ni hma chuan a hna hi a la chelh chhunzawm thei ang tiin a sawi. Hei hi eptu pawl hrang hrang chuan an duh lo a, President hi a term a tawp ruala bang tura phutin,
ṭum enge maw zat nawrh an lo huaihawt tawh a ni. Kabila hian thuneihna chan chhunzawm zel a duh avangin, November thlaa inthlanpui an neih tur pawh sawntlaiah an puh bawk.