Syria-ah chhawmdawlna pek titawp rih

Syria sorkar leh hel≠pawlte'n kar khat chhung inkahhai an puan chu a tawp tawh a, inremna siam a tawp rual hian Aleppo khaw bula inbeih≠naah chhawm≠dawlna phurtu motor-te beih tel an ni a, mi 20 an thi.

International Committee of the Red Cross (ICRC) chuan chhawm≠dawlna phurtu motor beihnaah hian truck driver leh Red Crescent worker-te an thi tel tih a sawi. Chhawmdawlna hna thawktute beih tel an nih avang hian UN chuan hnathawk tute himna ngaihtuahin nimin aṭang khan chhawmdawl hna thawh hi a titawp lailawk.

Thawhṭannia aid convoy kaptu hi khawi lam nge tih hriat chian a la ni lo. Aleppo province-ah hian Russia leh Syria thlawhtheihnate chuan beihpui an thlak mek a, US kaihhruai ṭangrual ramte pawhin ram chhung hmun dangah beihpui an thlak bawk.

UN official-te chuan Aleppo khawthlang lam, Uram al-Kubra khaw tana chhawmdawlna phurtu truck 31 zinga 18 chu kahfuh an ni a, hei bakah hian Red Crescent warehouse pawh kah a ni tih an sawi.

World Health Organisation thupuangtu Christian Lindmeier chuan, motor-ah hian damdawi leh emergency health kit-te phurh tel a ni tih a sawi.