US-in Cuba ambassador tur ruat

US President Barack Obama chuan kum sawmnga zet Cuba rama ambassador an dah loh hnuah, Cuba ambassador turin Jeffrey DeLaurentis a ruat.

Barack Obama chuan thuchhuah siamin, ambassador tur ruat chu Cuba leh US-in an inlaichinna siamṭhat tuma an hmalakna kawng khat a ni tih a sawi. Ram pahnihte hi inkar boruak hi a ṭha lo ṭhin hle a, mahse kum 2014 December thla khan Obama leh Cuba President Raul Castro-te chuan an inkar siamṭhat an remti a, kum 2015 aṭang khan palai pawh an intir tawn leh thei a ni.

Obama hian Cuba ram tlawhin, kum 1962 aṭanga US-in Cuba rama bungrua thawnluh khapna a siam ṭhenkhat pawh a lo hlip tawh a, ram pahnihte inkarah fligth service pawh kalpui chhunzawm a ni tawh a, Miami leh Havana inkarah lawng pawh kal tir an remti tawh bawk.

President-in Cuba ambassador atana DeLuarentis a rawtna hi Senate-in a pawmpui ve leh phawt a ngai dawn a ni.