Saudi Arabi-in hnathawkte hlawh tihniam dawn

Saudi Arabia sorkar chuan khawvela oil man tlahniam avanga sum lama harsatna an tawh mek chinfelna kawng khat atan sorkar hnathawkte hlawh tih≠hniam a ni dawn tih a sawi.

Hlawh tihniam tura cabinet thuchhuah hi television-ah chhiarchhuah a ni a, minister-te hlawh chu 20% a tihhniam a ni a, assembly member te hlawh tihniam a nih bakah, sorkar hnathawkte hlawh leh chawlh neih theih zat tur pawh siam danglam a ni. Sorkar chu kumin chhunga hnathawktu la thar lo tura tih a ni bawk.

Saudi Arabia rama hnathawktu hmun thum≠a ṭhena hmun hnih hi sorkar hnuaia thawk an ni a, hei vang hian hlawh tihhniam hian nghawng a neih len hle rin a ni. Oil man tla≠hniam avang hian Saudi sorkarin kum hmasaa budget-a a indaih lohna chu dollar tluklehdingawn 100 dawn a tling a, hei vang hian ram economy siamṭhatna atan leh, oil mana an innghat lutuk tur tihziaawm a, thil siamchhuah dang aṭanga sum tam zawk hmuh theih dan ngaihtuahin Vision 2030 project chu kumin kumtir aṭang khan kalpui ṭan a ni.