WHO-in Covid-19 dona kawngah Syria ṭanpui

World Health Organization (WHO) chuan kar liam ta Inrinni khan Syria rama Covid-19 dona kawnga thawktute puihna atan , protective equipment leh damdawi lam ton 8.8 a pe.

Ṭanpuina a pekte hi Damascus International Airport-ah phurh thlen a ni a, hmanrua a pekte hi health worker-te hman tur a ni.

WHO thilpek chungchangah hian WHO regional director for the Eastern Mediterranean, Ahmed al-Mandhari chuan WHO-in theihtawpa Syria ṭanpui a tum thu sawiin, he ramah hian health worker tam tak chu WHO chuan training course-te buatsaihsakin an mamawh ang angah WHO chuan a ṭanpui zel dawn a ni, a ti. 

Syria-a Covid-19 hri kai tawh zat hi mi 5,319 an awm a, heng zing mi 1,692 chu enkawl dam tawh niin, he hri thihpui tawh hi mi 264 an awm tawh a ni.