Bulgaria PM-in Covid-19 a kai

Bulgaria prime minister Boyko Borissov chu PCR test vawi hnih a neihnaah Pathianni khan Covid-19 a kai tih hriatchhuah a ni. 

Sofia Regional Health Inspec­tion Agency (RHI) tarlan dan chuan kar liam ta Zirtawpni leh Inrinni khan Borissov hian test vawi hnih a neih thu a tarlang a, vawi hnihnaah hian hri a kai tih hriat chhuah a ni ta a ni.  Ni hnih chhung test a neih lai hian Borissov chuan meeting leh sorkar thil ṭul dang zawng zawng chu a cancel thu a sawi. 

Deputy Minister of Regional Development and Public Works of Bulgaria, Nikolay Nankov chuan hri a kai tih hriat a lo ni tawh bawk a, hei vang hian October 23 khan tun hnaia amah hnaih tute Borissov bakah, Minister of Regional Development and Public Works Petya Avramova, Minister of Finance Kiril Ananiev leh Minister of Agriculture, Food and Forestry Desislava Taneva chu khunghran tir nghal an ni. 

Bulgaria-ah Covid-19 hri kai  mi 37,562 hmuh an ni tawh a, heng zinga mi 18,354 chu enkawl dam tawh niin, he hri thihpui tawh hi mi 1,084 an awm tawh.