Japan-ah kum 9 chhunga nau piang tlem ber ṭum thleng

South Korea-ah nikum, 2024-ah nau piang leh innei an pun chhoh laiin, Japan-ah erawh a zawna a kum kuana atan nau piang zat an tlakhniam belh zel thung. Kum 2024-ah nau piang 720,988 awmin, kum kua chhunga an tlem ber ṭum a ni.

Japan prime minister hlui, Fumio Kishida kaihhruai sorkar khan an rama nau piang an pun theihna turin kawng hrang hrangin hma la mah se, nikuma nau piang thar zat hi kum hmasa lam aiin 5% in a hniam. Hemi hun chhung vek hian thi mtd 1.62 an awm thung. Nau piang thar pakhat a awm laiin mi dang pahnih lo thi zel ang an ni.

Kum 2025-ah Japan ramah nupui pasal innei awm zat hi a kum hmasa lam aiin 2.2% in an pung thung. Khawthlang ramte ang loin Japan ramah hian nupa inkar loa nau piang an tam lo hle. Innei zat pung hian kum 2025-ah nghawng neiin, nau piang pawh an pun phah an beisei.