Pakistan Sunni hel hotu kaphlum

Pakistan police-te chuan Sunni helpawl, Lashkar-e-Jhangvi hotu, Malik Ishaq an kaphlum.

Lashkar-e-Jhangvi hian Pakistan ram chhunga Shia Muslim-te lakah vawi tam tak pawikhawihna an lo thlen tawh a ni.

Ishaq hi kar hmasa khan man a ni a, Punjab province-a prison convoy-a phurh a nih laiin amah zuitute chuan chhanchhuah tumin an lo bei a ni. Police-te chuan helho hi an kap let ve nghal a, an inkahnaah Ishaq leh fapa te pahnih bakah hel 11 dang kahhlum an nih tih an sawi. Police zinga thi an awm lo a, officer paruk erawh chuan hliam an tuar.

Kum 2001 khan Lashkar-e-Jhangvi hi Pakistan chuan dan pawnah a hnawl a, kum 2003 khan US pawhin firfiak pawlah a lo puang tawh bawk.