Myanmar-ah meth dollar maktaduai 100 hu an man

Myanmar police-te chuan Pathianni khan Yangon khawpuia truck pakhat aṭangin methamphetamine tablet tam tham tak an man a, an damdawi man hlut zawng hi dollar maktaduai 100 hu vela chhut a ni.

Police-te chuan meth mum mak­taduai 27 an man leh a phurtu motor hi a neitu an hriat loh thu an sawi a, an dap laiin motor-ah hian tumah an awm lo.

Myanmar ram hi opium siamchhuah tamna ram a ni ṭhin a, mahse tun hnaiah ruihhlo dang, methamphetamine hi a hluar chak hle.

Pathiannia ruihhlo an man hi kumin chhunga ṭum khata ruihhlo an man tam ber ṭum a ni.

Thla hmasa khan sorkar chuan ruihhlo a man tawh, dollar maktaduai 100 hu zet chu UN International Day Against Drug Abuse pualin a lo halral tawh bawk.