Nigeria minister-in dollar tld 6 a ru
Nigeria minister hlui pakhat chu public fund, dollar tluklehdingawn 6 rua puh a ni a, a sum rukte hmuh kir leh theih nan sorkar chuan US leh khawthlang ramte puihna a dil.
State Governor, Adams Oshiomhole chuan an ram President Muhammadu Buhari-a'n thla hmasaa US a tlawh ṭum khan, minister hlui sum ruk chungchang hi US official-te an lo hrilh niin a sawi.
Peoples Democratic Party (PDP)-in Nigeria ramah hian kum 16 zet ro an rel hnuin kumin inthlanpuiah an chak lo a, Buhari hi May thla aṭang khan president thar atan lakluh a ni. PDP rorel lai hian eirukna a hluar hle a, mahse hei hi an party chuan a pha thung.
President Buhari-a'n Washington a tlawh ṭum hian governor Oshiomhole chuan a ṭawiawm a, public fund tam tham tak rutu minister hlui hming erawh a sawilang lo.
US a tlawh ṭum hian Buhari chuan kum sawm chuang kalta chhunga an ram sorkar sum dollar tluklehdingawn 150 vel zet eiruk a nih thu leh, heng sumte hi foreign bank hrang hrangah dah anih thu a sawi. Heng sum eirukte hi an hmuhkir leh theihna tura ṭanpui turin US chu a ngen nghal a ni.