Taiwan-in South China Sea-a thlalak tiphe turin ngen

Taiwan chuan Google hnenah a ṭhenawm ramte nena an inchuh mek, South China Sea-a sipai hmun pawimawh awm thlalakte tiphe (blur) ṭhin turin a ngen. South China Sea hi China, Taiwan, Phil­ip­pines, Vietnam , Malaysia leh Brunei-te chuan an inchuh a, he tuipui kaltlanga kum khata sumdawnna kalpui ṭhin hi dollar vaibelchhe tam tak hu a tling a ni.

July thla khan Philippines-in complaint a thehluh chu international court chuan ngaihtuahin, China-in South China Sea-a a ram chin nia a chhal chu a hnawlsak. Mahse court thutlukna siam hi China leh Taiwan chuan an pawm lo tih an sawi.