Yahoo account mkt 500 hack sak

Yahoo chuan Yahoo account maktaduai 500 vel chu hack a nih thu a sawi a, he thil titute hi eng ramin emaw a sponspor nia a lan thu a sawi.

Ningani khan thuchhuah siam­in, Yahoo Chief Information Security Officer Bob Lord chuan kum 2014 kumtawp lam khan information hi company network aṭangin ruk a ni, a ti. Account information an rukah hian hming, email address, telephone number, date or birth, password leh ṭhenkhat­ah chuan security question leh answer-te pawh a tel niin a sawi. Mahse payment card data leh bank account information-te chu an khawih tel lo niin a sawi bawk.