Syria tan chhawmdawlna pek chhunzawm

United Nations chuan Syria ram chhawm≠dawlna tur phurtu motor rualte, Aleppo khaw bula beih an nih avanga chhawmdawlna pek a tihtawp lailawk chu nimin aṭang khan a pe chhunzawm leh ta.

Syria sorkar leh helhoin inkahhai an puan a tawp hnuah, Aleppo khaw tana chhawmdawlna phurtu motor-te chu kah an ni a, motor leh an bungraw phurh tam tak a chhia a ni.

UN Office for the Coordination of Humanitarin Affairs, Jens Laerke chuan sorkar leh helpawlte hnenah aid convoy-te thlen chin hi chiang taka an hrilh zel tur thu a sawi. Ningani khan UN health agency chuan helho kuta awm mek, Moadamiya khuaa chengte tan damdawi a thawn lut.

Syria President Bashir al-Assad chuan helho nena inkahhai an puan a hlawhtlin lohna chhanah US a puh. Assad chuan inkahhai puan a nih lai hian US kaihhruai
ṭangrual ramte chuan Syria sipaite awmna hmun an bei a, US-in tihpalh thil niin a sawi chu a pawm lo tih a sawi. US, Saudi Arabia, Turkey leh Qatar-te'n sorkar laka helte an thlawpna chu titawp se chuan Syria mi, ramdanga tlanchhia tam tak chu thla reilote hnuah an ramah an kir leh ngei ang, a ti. US-in Aleppo khaw bula chhawmdawlna phurtu motor rual beitu chu Russia thlawhthehna nia a sawi chu a pawm loh thu sawiin, an thusawi finfiahna tur hi engmah an nei lo a ni, a ti. Russia pawhin an kah a nih loh thu alo sawi tawh bawk.