US leh Iraq-in security lamah thawhdunna tur an sawi

US president Donald Trump leh Iraq president Barham Salih chuan security, economy leh ISIS firfiak beihna kawngah thawhdunna tur Nilaini khan Switzerland-a Davos khuaah an sawi dun.

Switzerland-a Davos khuaah hian 'World Economic Forum' hman mek a ni a, hetah hian ram pahnih hruaitute hi an tel a ni. He hmunah hian hun remchang neiin Trump leh Salih-te hian meeting an nei dun thei a, US-in Iran general Qasem Soleimani a thah hnua ram pahnihte inhmuh leh hmasak berna a ni.

Meeting-ah hian Salih chuan an rama firfiakte beihna kawnga chak zawka hma an lak zel theih nan US spaite an la mamawh thu Trump chu a hrilh. Hetih rual hian Iraq-a ramdang sipai awmte pawh zawi muanga lakchhuah a nih theih nan hmalak dan turte an sawi dun a, Trump chuan US sipaite hmalakna chu Iraq-in a hriatthiampui thu a sawi.