Myanmar-in rights commission member hrem remti
Myanmar House of Representative chuan human rights commission member ṭhenkhat chu mihring dikna chanvo palzut sakte venghim zo loah puhin hremna pek a remti.
Myanmar National Human Right Com≠mission (MNHRC) chu tunhnaia awmpui nula pahnih, an awmnaten an ngaihsak chu a ngai pawi≠mawh tawk loah puh a ni. He thil thleng chung≠chang hi Thawh- ṭanni khan Parliament inkhawmah sawiho a ni a, commissioner member-te hremna pe tura rawtna siam chu member 374 in an thlawp a, a duh lo lamah vote khat chauh a tla thung.
Commission hian awmpui nula pahnihte leh anmahni kut thlaktute hi court-ah kalpui aiin, an ram pawisa kyat makta≠duai nga pea inrem tir a tum a ni. Mahse MP-te chuan kut tuartute hi kum 18 hnuai lam ve ve an la nih avangin Child Rights of UN Convention and the Human Trafficking Law hmanga an dikna chanvo humhalh sak turin an phut a ni.