EU-in raltlante cash card pe dawn

European Union chuan Turkey-a raltlan awm mekte chu thla tina an sum hman tur a pe lawk ṭhin dawn a, heng hi electronic cash card hmangin a pe dawn a ni.

Turkey-ah Syria raltlan mak≠ta≠duai 2.7 vel an awm mek a, raltlan tam takin Europe an pan
ṭhin tihziaawm a nih theihna atan EU chuan Turkey hi inremna a lo siampui tawh a ni. Raltlante ṭan≠puina tur hian dollar maktaduai 348 senna tur programme a siam a ni.

Emergency Social Safety Net (ESSN) chuan raltlante hnenah hian pre-paid cash card hi a sem dawn a, an card hi ei tur, zirna, in chhung mamawh leh thawmhnaw leina atan dawr leh zirna in hrang hrangah an hmang thei ang a, ATM aṭangin sum an lachhuak thei bawk ang. Card tin hi thla tin Turkish lira 100 (dollar 33.50) an thun sak ṭhin dawn a ni.

Kumin kumtir lam khan EU member ramte chuan Turkey rama Syria raltlante enkawlna kawnga Turkey ram ṭanpuina turin dollar tluklehdingawn 3.37 pek an lo remti tawh a ni. Ṭanpuina sum hi kum 2018 kumtawp thlenga pek a ni ang.

Nikum khan Europe ram pan tumin raltlan maktaduai khat chuang chuan lawngin Turkey aṭang hian Greece an pan a ni. Mahse Turkey-in an ram tuipui
aṭanga raltlan chhuah tumte dan a remtih tak hnu hian Europe ram pan hi an tlahniam chak hle.