Iran-in satellite kapchhuak dawn

Iran minister of infor­mation and communi­cations technology Mo­hammad Javad Azari Jahromi chuan Nilaini khan kar rei lote hnuah  satellite thar Zafar an kapchhuak dawn tih a sawi. February 11 hma ngeia kahchhuah hman an tum thu sawi bawkin, Zafar hi an ram kutchhuak ngei a ni tih a sawi bawk.

Zafar hi chi hnih an siam chhuak a, an kah­­chhuah pakhat a hlawh­chham a nih chuan a pahnihna pawh kah­chhuah lehnghal an tum dawn a ni, Iranian Simorgh satellite carrier hmangin kahchhuah an tum a, remote-sensing satellite niin kg 90-a rit a ni. Oil reserves, lungalh­thei khur, ramhnuai leh khuarel chhiatna thlengte enfiah thei turin an duang a ni.