Facebook-in Palestinian journalist-te account block

West Bank-a Palestinian chanchinbu-a thawkte Facebook account chu kar kalta khan block sak an ni a, block an nih chhan sawilan ni lo.

Account block sakte hi Shehab News Agency editor pali leh, Qud News Netowrk-a executive pathum an ni. Sebhab News-a thawkten page an siam hi like tu maktaduai 6.3 an awm a, Qud News Network page hi like tu maktaduai 5.1 an awm bawk.

Chanchinbu pahnihte hian Israel-in a luahsak, Palestinian rama thil thlengte an tarlang ṭhin. Palestinian rama buaina chhuak leh, buaina chawk chhuak tura social media kaltlanga mipuite fuih an ni ṭhin veng turin Facebook leh Isrel sorkar chuan thawhdun a lo remti tawh a, Palestinian journalist-te account block sak an ni pawh hi an hmalakna kawng khat nih rin a ni.

News agency-te chuan account block sak an nih chhan sawifiah turin Facebook an phut a, hemi hnu hian Facebook lam chuan tihpalh thil nia sawiin thupha a chawi a, Inrinni khan an account hi a unblock sak leh nghal a ni.

Quds News Network executive Al-Khatib chuan tun ṭum hi Palestinian news site-te'n Facebook laka harsatna an tawh ṭum khatna a ni lo tih a sawi. Facebook hian a chhan ṭha tak nei loin Palestinian network agency-te page panga vel chu a lo tihtawp sak tawh niin a sawi bawk.