Venezuela eptu hruaituin an ram chhuahsan

Venezuela ram eptu hruaitu, Leopoldo Lopez chuar kar liam ta khan an ram a chhuahsan a, ram dang aṭangin hna a thawh chhunzawm dawn tih a sawi. 

Kum 2014 khan President Nicolas Maduro duh lohna lantira nawrh a huaihawt avangin Lopez hi man a ni a, jail-ah dahin kum 2017 khan chhuah a ni. Hemi hnu hian house arrest-in hren zui a ni bawk. Kum 2019 April thla khan sipai chakna hmangin Preisdent Maduro paihthlak a tum leh a, mahse a hlawhchham a ni. Hemi hnu hian Caracas-a Spanish ambassador chenna inah tlanchhiain a awm zui a ni. 

Lopez-a party, Popular Will chuan an hruaitu hian ram pawn lam aṭanga Venezuela zalenna tana bei turin a thawk chhunzawm zel dawn tih sawiin, a thutlukna siam pawh hi an thlawp thu an sawi. 

Engtin nge Venezuela hi a chhuah­san dan hi sawichian a ni lo a, khawi ram nge a pan tih pawh tarlan a ni lo bawk.