Charlotte police-te'n video an tichhuak

North Carolina, US-a Charlotte khuaa buaina nasa tak chhuah phahna, police-in mihang pakhat a kaphlum lai video chu, tlangzarh tura mipuiten nasa taka an nawr hnuah tihchhuah a ni ta.

Kar kalta Thawhlehni khan police officer chuan mihang, Keith Lamont Scott chu a kap≠hlum a, hei vang hian Charlotte khawpuiah hian buaina a chhuah phah a ni. Police-te chuan Scott hian silai a keng a, dahthla tura vawi tam tak an hrilh hnuah pawh a dah thla duh lo niin an sawi a, Scott-a chhungte chuan ralthuam a kawl loh thu leh, lehkhabu a ken thu an sawi thung.

Tualchhung mipuiten nawrh huaihawt a, video tlangzarh tura nasa taka an nawr hnuah police-te chuan video clip hi media hnenah an pe a, internet lama hmuh theih turin an dah bawk. Video-ah hian a motor aṭanga Scott-a a chhuah hnua a, hnungzawnga a kal laia police-te'n an kap lai a lang a, mahse silai a ken leh ken loh erawh a lang chiang lo.

Police-te chuan Scott hian silai a ken bakah, marijuana pawh a kawl tih an sawi, a silai ken nia sawi thlalak pawh an tichhuak tel a ni.