Turkey-in firfiaka rinhlelh mi 1,050 a man

Turkey security force-te chuan an ram chhung hmun hrang hranga firfiakte laka beihpui a thlak hnuin, province 34 aṭangin firfiak nia rinhlelh mi 1,050 an man.

Security force-te'n an man zinga a tam zawk hi Islamic State (IS) group, Kurdistan Workers' Party (PKK) leh far-left Revolutionary People's Liberation Party-Front (DHKP-C) member-te nia an hriat thu Prime Ministry thuchhuah chuan a tarlang.

Nimin khan Turkey ngenna angin NATO chuan Brussels-ah security chungchang ngaihtuahin meeting a nei a, member ram 28 palaite an tel.

Ministry chuan firfiak laka beihpu a thlak meknaah, Pathianni khan Iraq hmarlama PKK firfiakte hmun chu Turkey thlawhtheihna hmanga kah a ni tih a sawi a, an ram himna tichhe thei turte chu a bei chhunzawm zel dawn tih a sawi bawk. PKK hi US, EU leh Turkey te chuan firfiak pawlah an puang a ni.

Nimina NATO meet-ah hian Turkey-Syria ramri buaina chungchangte pawh sawiho a ni a, Syria hmar lama Islamic State (IS) free zone siam dan pawh ngaihtuah a ni ang.