China ramah Apple factory lem manchhuak

China rama Apple iPhone lem 41,000 siamtu factory pakhat chu manchhuah a ni a, mi pakua man an ni bawk.

Factory lem manchhuah tuma beihpui an thlaknaah hian second hand smartphone part-te chu iPhone thar anga lantir a, rampawn lama thawnchhuah tura hnathawktute'n an pack lai an nangching a ni. Phone lem thawnchhuah an tum hi yuan maktaduai 120 (dollar maktaduai 19) man vel a ni.

May 14 khan factory lem hi man chhuah ni mah se, Beijing public security bureau chuan Pathianni khan social media-ah a puangzar chauh a ni.

Apple factory lem hi Beijing khawpui hmar lama awm niin, nupa-in an siam a ni. Beijing thuneitute chuan factory lem a awm thu hi US thuneitute'n an hrittir a, iPhone lem eng emaw zat an man thu an hrilh niin an sawi.

Kum li kalta khan China-a Kunming city-ah Apples store lem hi manchhuah a lo ni tawh bawk. iPhone lemte hi a tak a ang hle a, factory-a thawk zinga tam tak pawh hian a lem tih an hre lo a, Apple factory hnuaia thawkah an inngai hlawm a ni.