US human trafficking list aṭangin Cuba paih

US leh Cuba chuan an inlaichinna siamṭhat tumin hma an la chhunzawm zel a, embassy te an hawn tawn hnuah, US chuan Cuba chu human trafficking do let kawnga hlawhchham rama a dah aṭangin a paih.

State Department chuan kum 2003 khan Cuba hi Trafficking in Persons list a siamah a telh a, mahse report a tihchhuah hnuhnung berah Cuba hi paih a nih thu a sawi a, a rualin Malaysia ram pawh list aṭang a paih bawk.

US Under Secretary of State for Civilion Security, Democracy and Human Rights Sarah Sewall chuan mihringa sumdawnna thleng ṭhin do letna kawngah Cuba chuan hma a sawn hle tih a sawi. Hemi rual hian Cuba chu hnathawha inchhawr luihna danna lamah a la hlawhchham thung a ni, a ti.

Kum 50 chuang zet ram pahnihte hian palai an intirh tawn loh hnuin, July 20 khan Cuba chuan Washington-ah a embassy a hawng a, US pawhin Havana-ah embassy a hawng bawk.