Indonesia-ah magnitude 7.0-a nain lir a nghing

Indonesia khawchhak lam, Papua province-ah nimin khan magnitude 7.0-a nain lir a nghing.

Zing dar 6.41-ah province khawpui, Jayapura khawthlang lam kilometre 250-a hla, lei hnuai kilometre 52-a thuk aṭangin lir hi a nghing ṭan tiin US Geological Survey chuan a tarlang. Lirnghing vang hian tsunami a thlen a hlauhthawn awm loh thu a sawi bawk.