Obama-a'n Ethiopia a tlawh

Africa ram hrang hrang tlawha zin, US President Barack Obama chuan Pathianni khan a hnuhnung ber atan Ethiopa ram a thleng a, ni hnih a cham ang.

President Obama hian Kenya aṭangin Ethiopia khawpui, Addis Ababainternational airport-a pan a, airport-ah hian Ethiopia Prime Minister Hailemarim Desalegn-a'n a lo hmuak a ni. America President zinga Ethiopia ram tlawh hmasa ber a ni.

Ethiopia rama a cham chhungin Obama hian sorkar hotute a kawm dawn a, member 54 awmna, African Union headquarters-ah thu a sawi bawk ang. Hei bakah hian South Sudan tualchhung indona thleng mek chungchang chu regional leader-te a sawipui dawn bawk a ni.

AU Commission hotu, Nkosazana Dlamini-Zuma chuan US President-in Africa ram a tlawhkual chu lawmawm a tih thu sawiin, hei hian AU leh US inlaichinna pawh a tihngheh phah dawn a ni, a ti.