Turkey ngenna vangin NATO in emergency meeting a ko

Turkey-in security chungchang sawiho tura a ngen avangin NATO secretary-general Jens Stoltenberg chuan vawiina neih tur emegency meeting a ko.

Kar kalta khan Turkey-ah firfiakte'n thihchilh bomb an tipuak a, hemi hnu hian Syria leh Iraq-a Islamic State firfiakte lakah beihpui a thlak tur thu a puang a ni.

NATO chuan Pathianni khan thuchhuah siamin, NATO-in Washington Treaty a lo siam tawh hnuaia Article 4 chungchangah Turkey-in inrawnho a duh thu a thlen angin, North Atlantic Council meeting neih a ni dawn tih a sawi. He Council-ah hian Nato member 28 te an tel vek a ni.

Washington Treaty Article 4-ah hian member-te chu sawiho tur an neih chungchangah meeting ko turin an ngen thei a ni.

NATO chuan Turkey hian an rama firfiakte pawikhawihna a thlen tak fo avangin venhimna lam leh firfiakte beih let dan chungchangah meeting neih hi a rawt a ti a, member ramte chu an hma lak dante hriattir an nih tur thu a sawi bawk.