China-in video games hralh khapna dan a hlip

China sorkar chuan Sang­hai-a manufacturing zone siam thar chawilar leh tihchangtlunna kawng khat atan video games hralh chhuah khapna dan a siam chu a hlip.

Kum 2000 khan China sorkar chuan an ram naupangte'n video games khelhna atana hun an hman nasat avangin hralh chhuah hi a lo khap tawh a ni.

Shanghai trade zone hi kum 2013 khan siam a ni a, he hmunah hian foreign company-te chu zau zawka hma lak phalsak a ni a, China ram hmundanga an tih phalsak loh ṭhenkhatte chu he hmunah hian phalsak an ni.

Sorkarin video games khapna dan a hlih tak avangin Sony Corp. leh Microsoft Corp. te chuan Sanghai zone aṭang hian China company dang an thurualpuite nen games hi siam an tum tih an sawi.