Tulsi Gabbard-i'n Hillary Clinton lakah thubuai theh lut

Democratic presidential candidate Tulsi Gabbard chuan Nilaini khan US Secretary of State hlui Hillary Clinton lakah intih hminghchiatna thubuai a theh lut.

Nikum October 17-a David Plouefe podcast kaltlanga 'Campaign HQ' a neihnaah Hillary hian "kum 2020 Democratic presidential candidate tur Gabbard hi Russia lamṭang a ni a, amah hi Russia hmanrua a ni," tia a sawi vangin Gabbard chuan New York-a federal district court-ah thubuai theh lutin Hillary chu US dollar maktaduai 50 chawi turin a phut a ni.

Hawaii aṭanga U.S. House of Representative ni lai mek Gabbard hian kum 2016 US president inthlan hma khan Democratic National Committee (DNC)-ah vice chairman nihna a chelh a, mahse Bernie Sanders chu Democratic Party's presidential nominee atan ruat a nih tak siah chuan, DNC-a vice chairman a nihna aṭangin a bang ta a ni. An party aṭanga president nih a tum rilruk aṭangin Hillary nen hian an inkhing chho ṭan niin khawtlang media-te chuan an sawi. 

Tulsi Gabbard hian 2020 US president thlanna neih tura Democratic Party aiawhin din a tum a, January 11 aṭang khan campaign a nei ṭan a, president atan hian thlan tlin a nih chuan US president hmeichhe hmasa ber a nih theih dawn bakah, US president nihna chelh tawh zinga nuapang ber leh, Hindu sakhua leh Samoan hnam aṭanga US president hmasa ber a ni ang.