Lebanon mipuite'n lungawi lohna an lantir

Lebanon khawpui, Beirut-a chengte chuan khawpui chhunga bawlhhlawh awmte sawngbawl kawngah sorkar chu a chet muan avangin lungawi lohna an lantir.

Khawpui chhung bawlhhlawh paih khawmna ber chu kar kalta khan khar a ni a, hei vang hian Beirut kawtthler hrang hrangah bawlh­hlawh paihkhawm tam tak hmuh tur a awm a ni.

Inrinni tlaia Riad el-Solh Square-a pungkhawmte chuan sorkar hian bawlhhlawlh intiang khawmte chu a ngaihven lo a, khawpui faina leh boruak thianghlimna te, khawpui chhunga chengte hriselna dinhmunte chu a ngaihthah a ni, an ti.

Mipui pungkhawmte chuan khawpui chhunga bawlhhlawh sawngbawl hna chu sorkar leh waste-management company, Suk­leen mawhphurhna a ni tiin, an mawh­phurhna ngai pawimawh turin an phut.

Nawrh huaihawt a nih hnu lawk hian, Environment Minister Mo­hammad Machnouk chuan bawlhhlawh thiar khawm hna chu chhun­zawm a, a paihna tur hmun pawh siamfel thuai a nih tur thu a sawi.