Jerusalem-ah Palestinian leh Israel police-te intibuai

Israel khawpui, Jerusalem-a al-Aqsa mosque plaza-ah nimin khan Palesitian leh Israel police-te an intibuai.

Buaina chhuahna hmun hi Israel-in a luahsak, Old City hmun-a Temple Mount compound-ah a ni a, Palestinian-te hian police-te hi lungin an tawng a ni. He hmun hi Muslim leh Juda-te chuan an hmun thianghlimah an chhal ve ve a, Muslim lam chuan The Noble Sanctuary tiin, Juda-te'n Tisha B’Av tiin an sawi thung.

Inrinni zan aṭang khan Temple Mount compound-ah hian Palestinian mi ṭhenkhatte chu an inkhuar a, nimina Juda-te'n he hmuna Temple pahnih tihchhiat hriatrengna ni hmang tura kal tumte chu an lo dang a ni. Police-te chuan temple compound-a kal tumte dan an ni tih an hriatin an kal nghal a, Palestinian ṭhalai lo awmte hian lung-in an lo tawng a, mahse hun eng emaw chen an innawr hnuah an tlanchhe zui ta a ni. Hemi hnu hian dan pangngai angin Temple Mount compound hi tlawh theih tura hawn zui nghal a ni.