Ukraine leh US aiawhte inbe dawn

United State leh Ukraine aiawhte chu kar leh hian Russia-Ukraine indona tih tawp a nih theih dan ngaihtuahin Saudi Arabia-ah an inbe dawn.

US president Donald Trump-a special envoy, Steve Witkoff chuan Ukraine official-te nen inhmuin, Russia leh Ukraine inkara inremna siam a ni theih dan turte an ngaihtuah ho dawn tih a sawi. A inhmuhna tur hmun tak erawh an lo ti chiang lo a, Riyadh emaw, Jeddah emaw a nih tur thu a sawi.

Ukraine president Volodymyr Zelenskyy pawhin Thawhṭanni hian Saudi Arabia a pan tur thu a sawi a, a team-te nena US official-te an hmuh dawn bakah, Saudi Arabia Crown Prince pawh a hmu dawn tih a sawi ve bawk. Ukraine chuan remna leh muanna siam chu a duh ber a ni, a ti.

February 28-a White House-a President Trump leh President Zelenskyy te inkawm hnuah hei hi US leh Ukraine official-ten high-level meeting an neih lehna tur hmasa ber a ni.