UN-in Covid-19 vangin all in-person meeting ṭhulh vek

United Nations (UN) Secretariat chuan permanent mission-a an hnathawkte zinga mi pangain Covid-19 an kai tih a tarlang a, UN headquarters New York-a all in-person meeting neih tur zawng zawng chu ṭhulh vek a nih thu Thawhlehni khan UN Secretary-General thupuangtu Stephane Dujarric chuan a sawi.

Heng hri kaite thawhna ram hi Dujarric chuan a sawi lang lo a, mahse media ṭhenkhatte chuan Niger rama aṭanga palai pangate niin an tarlang thung. Kar liam ta Ningani khan member 15 awmna Security Council meeting neih a ni a, heng zinga kal palaite hian Covid-19 an kai tih Dujarric chuan a sawi bawk.

Dujarric chuan Thawhlehni khan UN staff-te zingah Covid-19 hri kai mi 132 an awm mek thu a sawi a, heng zinga diplomat 10 chu UN permanent mission-a hnathawkte an ni a, international staff 45 pawh an tel bawk a ni. UN headquarters-ah hian March 12 khan hri kai hmasa ber chu hriat chhuah a ni a, UN staff zinga hri kai an awm avang hian thawktu tam tak chuan in lam aṭangin an thawk zui a ni.