Iran-in underground nuclear facility siam mek : IAEA

UN atomic watchdog, International Atomic Energy Agency (IAEA) chuan Iran-in underground nuclear facility a siam thar leh mek tih a sawi. 

Agency director general, Rafael Grossi chuan Iran hian an ram khawpui, Tehran-a underground facility a puah hnuah a dang a siam thar leh mek tih a sawi. Hemi rual hian Iran hian low-enriched uranium chhekkhawl eng emaw zat nei mah se, ralthuam siamna khawp erawh a nei lo nia a lan thu a sawi bawk. 

July thla khan Tehran-a Natanz nuclear site chu puakin a chhia a, hemi hnu hian Iran chuan a awmna bul velah structure ṭha zawk leh him zawk a siam leh tur thu a sawi a ni. Natanz-a underground facility a siam hi bul ṭan tawh mah se, a la zo mai dawn lo nia a lan thu Grossi chuan a sawi.