Obama-a'n EU-a Britain awm zel turin a duh

US President Barack Obama chuan Britain chu European Union (EU) a awm chhunzawm zel tura duh thu a sawi.

BBC-in a kawmnaah, Obama chuan khawvel ram dangte rilru hneh a, an laka nghawng a neih chhunzawm zel theihna turin UK chu EU-ah a awm zel a ngai a ni, a ti. "EU-a UK a awm hian rin ngamna min siamsak a, EU chuan khawvel hi hmun him zawkah a siam a ni," a ti.

Britain chu America ram ṭhian ­ṭha ber a ni tiin, Obama chuan Britain Prime Minister David Ca­meron chu mi ropui tak a nih thu a sawi. UK sorkarin NATO target, defence atana GDP 2% a hmang thei chu a lawmpui thu a sawi nghal bawk a ni.

Cameron hian tun hnaiah kum 2017-ah Britain chu EU aṭanga in­hnuh­dawh an duh leh duh loh chung­changah mipuite vote lak a rawt a ni.