China-ah fa pahnih neih phalsak dawn

China sorkarin fa pakhat chauh neih phalna dan a siam chu thlak danglamin, fa pahnih neih a phalsak dawn. He dan siam danglam hi harsatna a awm loh chuan kumin kumtawp lam aṭanga hman ṭan hman tum a ni.

National Health and Family Planning Commission chuan fa pahnih neih phalna hi siam tum mah se, a hman ṭan theih hun tur erawh ruat a la ni lo tih a sawi thung.

China ramah hian nupa-in fa pakhat chauh an neih phalna, one-child policy chu hun eng emaw chen hman a nih tawh vangin ṭhalai an pung chak lo a, kum upa lam an pung zel thung a, hnathawktu indaihlohna pawh a sang chho zel a ni. Hei vang hian sorkar pawhin a policy hi thlak a tum ta nia sawi a ni.

United Nations-in a chhut danin, kum 2050-ah chuan China ramah hian kum 60 chin chunglam mi maktaduai 440 vel an awm tawh dawn tiin a sawi. Kum 2014 khan ram chhungah hnathawk thei china chhiar, kum 15-59 inkar awm zat chu 3.71% in a tlahniam a, hei hi kum dangah pawh a tlakhniam belh zel rin a ni bawk.

Ramchhung mipui zingah one-child policy thlak danglam tura phutna pawh a awm mek a, kumin March thlaa an­nual report a pek ṭum khan Prime Minister Le Keqiang pawhin birth-control managment siamṭha turin sorkarin hma a lak tur thu a lo sawi tawh a ni.