Turkey aṭangin US-in IS lakah beihpui a thlak dawn

US chuan Turkey-a Incirlik airbase aṭangin Islamic State (IS) firfiakte lakah thlawhtheihna hmang­in beihpui a thlak dawn.

Turkey chuan US si­paite'n an rama airbase an hman hi a phalsak thu Ningani khan a sawi a, he airbase hi Syria ramri bula awm a ni. US President Barack Obama leh Tur­key President Tayyip Erdogan-te chu a hma niin telephone-in an inbia a, IS firfiakte laka beihpui thlak dan turte an sawidun a ni.

Turkey sorkar hian Syria ramri bula IS fir­fiakte'n Turkey sipai officer kaphlum a, sipai pahnih an kahhlum hnuah ramri-a venhimna khauh taka kalpui a nih tur thu a sawi.