Al-Qaida aiin IS hi an hlauhawm zawk: FBI hotu

United States intelligence and security service, Federal Bureau of Investigation (FBI) chuan US ramchhung himna chungchangah al-Qaida aiin Islamic State (IS) firfiak chu an hlauhawm zawk tiin a sawi.

FBI Director James Comey chuan Aspen Security Forum-a thu a sawiah, IS hian social media kal tlangin hmun hrang hranga Muslim-te chu a fuih a, an inkhuarna Middle east lama an kal thei lo a nih pawhin an awmna hmunah ṭheuhte pawikhawihna thlen turin a fuih a ni, a ti. IS-in America mite tihbuai leh pawikhawihna thlen a tum dan chu pawn lam aṭanga al-Qaida te'n beih an tum dan aiin a hlauhthawnawm zawk a ni, a ti.

Comey chuan IS hian khawvel ram hrang hrangah English ṭawng hmang zuitu mi 21,000 vel a nei a, heng zingah hian a sang tel chu US-a cheng an ni thei a ni tiin a sawi.