Israel-in Gaza Strip-a electric supply titawp

Israel sorkar chuan Hamas mi hren mekte chhuah an nih theihna tura nawrna kawng khat atan Pathianni khan Gaza Strip-a electric suppy a ti tawp.

Israel energy minister Eli Cohen chuan kar khat liam taah khan Hamas mi hrente chhuah an nih vek loh chuan Gaza Strip-a chhawmdawlna pekte chu ti tawp vek a nih tur thu a lo sawi tawh a ni. Pathianni khan video ti chhuakin, Cohen chuan, "Mi hrente hruai kir vek an nih theihna atan leh, indona a zawh hnuah Gaza-ah Hamas an awm zui lohna turin kan hmanraw neih angte chu kan hmang vek dawn a ni," a ti. Israel Electric Corporation hnenah Gaza-a power hralh lo turin a hriattir a ni. Sorkar chuan a ṭul dan a zirin tui supply pawh tih tawp a ni dawn tih a sawi bawk.

Hamas chuan Israel thiltih hi na taka sawiselin, mipuite hrek rilṭam a tumna a ni, a ti. Electric supply tih tawp hian tui thianghlim siam chhuahna, desalination plant a nghawng a ni.