US sipai hman tur fuel phur lawng leh bungraw phur lawng insu

Britain-a North Sea-ah Thawhṭanni khan bungraw phur lawng chuan England khawchhak lama awm, America sipaite hman tur fuel phurtu lawng a su a, lawng pahnih hi kang zui in tuipuiah oil a baw bawk.

Lawng pahniha thawktu, mi 37 te chu an him vek nia sawi a ni. Hetih lai hian tuipuia oil bua hian nghawng pawi tak a neih a hlauhthawnawm hle. He thil thleng hi Marine Accident Investigation Branch chuan a chhui mek a ni.

America sipaite hman tur fuel phurtu lawng hi MV Sena Immaculate niin, Grimsby lawngchawlh hmun bulah a ding a. Bungraw phur lawng, Solong ah hian Portugal flag inzarin Scotland-a Grangemouth aṭanga Rotterdam, Netherlands lam pan a ni.

Stem Immaculate-ah hian jet fuel barrel 220,000 vel phurh a ni a, tuipuiah a baw vek a nih chuan harsatna nasa tak a thlen thei dawn a ni. Hetih lai hian oil pollution a la awm lo niin International Maritime Organisation thupuangtu chuan a sawi. Greenpeace UK pawhin eng angin nge environment lamah nghawng a neih dawn hriat a la harsa tih a sawi bawk.