UNSC-in Iran deal a thlawp

United Nations Security Council chuan Iran leh world power ram parukte'n nuclear deal an siam chu thlawpin, Thawhṭanni khan an thlawpna resolution an siam.

Iran leh world power ram paruk, P5+1 (China, France, Russia, United Kingdom, United States + Germany) te chuan hun rei tak an inbiak hnuah kar kalta khan inremna hi an siam a ni.

UNSC-in nuclear deal hi a pawmpui tak avang hian UN-in Iran a hrekna hlihna turin kawng a hawng thei dawn ta a ni.

Hemi hma hian European Union chuan Iran nuclear deal hi a lo pawmpui tawh bawk. EU hian Brussels-a EU Foreign Minister mee­ting-ah ngaihtuahin, lung­rual takin an pawmpui a ni.

Iran nuclear deal, Joint Comprehensive Plan of Action (JCPOA) hi kar hnih zet inbiakna an neih hnuah July 14 khan ziah fel a ni a, he inremna hmang hian Iran nuclear program kalpui danah khuahkhirhna siam a ni a, khawthlang ramte'n Iran an hrekna hi an hlip ve thung ang.