Turkey-in ramri venhimna a tikhauh dawn

Turkey Prime Minister Ahmed Davutoglu chuan Syria nena an inri-na bul, Suruc khuaa bomb puak vanga mi 30 an thih hnuah ramria venhimna chu tihkhauh a ni dawn tih a sawi.

Investigator-te chuan bomb puak hi Islamic State (firfiak) pawl mi, hmeichhe pakhat tihpuah tiin an tarlang. Bomb puak vanga civil mite thihna thleng vang hian Istanbul-ah mi tam takin lungawi lohna an lantir a, pungkhawmte hnawhdarh nan hian police-te chuan water cannon, teargas leh rubber bullet-te an hmang a ni.

PM Davutoglu chuan Ankara-ah news conference neiin, "Turkey chuan IS firfiakte bei let turin a

ṭul angin hma a la chhunzawm zel dawn a ni," a ti. Syria ramri-te chu enfiahin, venhima khauh zawk dah an tum thu a sawi.

Turkey ram hi firfiakte pawi­khawihna thleng ṭhin ngaihthah leh, anmahni dodal zawnga hma la loah puh a ni fo a, mahse tun hnaiah sorkar hian firfiakte laka hian beihpui a thlak ve ṭan a ni. Hei vang hian IS pawh hian Turkey ram hi an bei nia rin a ni bawk.