China hruaitu hlui chungthu ngaihtuah dawn

China President hlui, Hu Jintao-a thawhpui hnai tak ṭhin, Ling Jihua chu thamna sum laa puh leh, eirukna danga inhnamhnawiha puh a nih avangin a chungthu ngaihtuah a ni dawn.

Ling Jihua hi Communist Party aṭangin hnawhchhuah a ni tawh a, a tihbuai pawh hi judicial thuneitute kutah hlan a ni tawh bawk.

Rorellai Communist Party hian nikum December thla khan chhui chian a nih tur thu a lo puang tawh a ni. Party thuneitute sang, Politburo chuan Ling hi an party tihmingchhe zawng leh, an ram duhdan kalh zawnga cheah a puh.

Sorkar thuchhuah chuan, "Ling leh a chhungte hian thamna sum tam tham tak an dawng a, party dan kalha chein, party leh state thuruk tam tak a ru chhuak bawk a ni," a ti. A thuneihna dik lo takin hlawkpuina atan a hmang a, amah mai bakah a chhungte pawikhawihnaah chuan mawhphurhna a la tur ni tiin an sawi.

Ling leh a nupui hian midangte hnen aṭangin sum leh thilpek dang an dawng a, Ling hian nupui nei chungin hmeichhe dang eng emaw zat a kawp bawk nia sawi a ni. Party member-te hi khawtlangah entawn tlaka nung tura beisei an nih avangin, uire te chu na taka hrem theih an ni.

Ling Jihua-a unaupa, Ling Zhengce chu nikum June khan eiruk chungchangah chhui a lo ni tawh bawk.