North Sea-a lawng insutna thlengah Captain man a ni

British tuipui huam chhung, North Sea-a lawng insutna thlengah Solong lawng enkawltu captain chu man a ni. Lawng insu ah hian US sipai hman tur tuialhthei phur leh bungraw phur lawng insuin, he thil thleng avang hian mi pakhatin nunna a chan.

Lawng insu a pakhat zawk hi Germany company lawng niin, Solong lawng captain hi Russia khua leh tui a ni a, chhiatna thlen hnu khan Brithish police chuan man zuiin, an man chhanah hian mahni hna thawk ṭha tawklo leh fimkhur tawk loh vanga pawikhawihna thlentir behchhanin an man zui.

Police lam hian lawng captain hi kum 59 mi a nih thu leh, thuneitute kutah a awm mek tih an sawi. Hamburg a awm Ernst Russ neitu chuan Captain hi Russia mi a nih bakah lawnga thawktu te chu Russia leh Filipino ram mi leh sa in pawlh an nih thu a tarlang.

The Stena Immaculate lawng hi lawngte zawk Solong in a sut lai hian thirchakai hmanga tihdin lai a ni. Heng thil vang hian tuialhthei phur lawng zawk ah hian kang mei chhuak zuiin, thawktu pakhat chin hriat loha a bo hnuah thiin an hmu zui bawk.