Trump thusawiin Republican-te a tithinur

2016 US President thlanna neih tura Republican party candidate chuh tumtu zinga mi, Donald Trump chuan candidate dangte a sawichhe fo a, party hruaitu John McCain chanchin a sawidan chuan party mi leh sate thin a ti-ur hle.

Donald Trump chuan Vietnam war veteran, John McCain chu war hero anga ngaih a nihna chhan chu Vietnam-ah hian man a ni tawh vang mai a ni, a ti. Hei bakah hian kum 2008-a President thlannaa a chak loh chungchang chu deusawh takin a sawi bawk.

Republican party president candidate chuh tum dangte chuan Trump hi an sawisel a, Republican National Committee hotu Sean Spicer chuan, "Kan party leh kan ramah hian kan ram tana theihtawp chhuaha thawktute sawichhiatna thusawi hi kan duh lo," a ti. Texas Governor hlui, Rick Perry chuan, "Donald Trump hian American veteran te, a bikin John McCain hnenah hian ngiahdam a dil tur a ni," a ti.