US leh Cuba-in kum 54 hnuah embassy an hawng ta
United States leh Cuba chuan hun rei tak an inlaichinna a chhiat hnuah, palai intir tawn turin an ram khawpui ve veah embassy an inhawn tawn sak leh ta.
Ram pahnihte hian embassay hi kum 54 hnua an hawn lehna tur a nia, kum 1961 hnua a vawi khatna turin Washington-ah Cuba embassy dahin, Cuba hnam puanzar an zar leh thei dawn ta a ni. Cuba embassy hi White House aṭanga hla lo teah a awm a ni.
Cuba khawpui, Havana-ah pawh American embassy hawn nghal a ni a, mahse US Secretary of State John Kerry-a'n official-a a hawn hnua America flag zar chauh a ni.
Nikum December 17 khan ram pahnihte hian an inkar boruak siamṭha a, palai intirh tawn leh an remtih thu hi an puang a ni. Hemi hnuah hian Havana leh Washington-ah ṭum eng emaw zat an inbe leh a, an puan aṭanga thla sarih hnuah an hawng thei ta a ni. Ram pahnihte chuan embassy hawn chu a bul ṭanna a ni tih an sawi a, an inkar boruak chhe tawh tak siamṭhat hna chu thil awlsam tak a ni lo tih an sawi.